Ақтауда оңалту орталығында жаңа жылдық шырша кеші өтті

Маңғыстау облыстық балаларға арналған оңалту орталығында жаңа жылдық шырша кеші өтті, деп хабарлайды mangystaumedia.kz сайты облыстық денсаулық сақтау басқармасының баспасөз қызметіне сілтеме жасап.

Балаларға түрлі сыйлықтар үлестіріліп, ертегі кейіпкерлері балаларды қуантты. Ойын ойнап, би билеп, Аяз ата мен ақшақардан тәттілер алды.

Маңғыстау облыстық денсаулық сақтау бас қармасы басшысының орынбасары Бибізада Дүйсенбаева жиналғандарды жаңа жыл мерекесімен құттықтап, ақ тілегін жеткізді. Демеушілер тарапынан оңалту орталығы балалары үшін түрлі тәттілер мен ойыншықтар сыйға берілді.

Айта кетейік, шараға Маңғыстау облыстық денсаулық сақтау басқармасы басшысының орынбасары Бибізада Дүйсенбаева, Маңғыстау облыстық көпбейінді балалар ауруханасының директоры Гүлжан Ермекбаева, шараның демеушілері «Біз – адамбыз, біз – біргеміз» қоғамдық қорының директоры Иман Досмухамедов, «Судовое оборудование и сервис» ЖШС директоры Александр Донских , емделуші бүлдіршіндер мен олардың ата-аналары қатысты.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.