Ақтауда көпбалалы аналарды марапаттады

Бүгін Ақтау қаласы әкімінің орынбасары Әбілқайыр Байпақов көпбалалы аналарға «Алтын» және «Күміс» алқа табыстады, деп хабарлайды mangystaumedia.kz Қоғамдық коммуникация орталығына сілтеме жасап.

-Бүгінгі күн - салтанатты күн деуге болады. Адамның ең бірінші міндеті - өмірге ұрпақ алып келу. Балаларыңыз саналы, салиқалы болып өсе берсін. Отбасыларыңызға амандық, дендеріңізге саулық тілеймін. Сіздердің еңбектеріңіз - елімізді дамытуға қосқан үлкен үлес, сол үшін сіздерге рақмет!,-деді қала әкімінің орынбасары Әбілқайыр Байпақов.

Айта кетейік, іс-шарада барлығы 27 ана марапатталды. Оның 7-еуі - алтын алқа, ал 20-сы - күміс алқа иегері атанды. Жиын соңында аналар естелік суретке түсіп, алғыс білдірді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.