Ақтауда қолөнершілер жәрмеңкесі өтті

Ақтауда 25-27 қараша аралығында қолөнершілер жәрмеңкесі өтті, деп хабарлайды mangystaumedia.kz Қоғамдық коммуникация орталығына сілтеме жасап.

Үш күндік жәрмеңке аясында балалар мен ересектерге арналған 17 тегін шеберлік сабақ өтті. Сондай-ақ, Маңғыстау аудандары және басқа да қалалардан келген шеберлер өз жұмыстарын көрсетті.

Ал жәрмеңкенің басты ерекшелігі - ата-бабаларымыздан қалған әдіспен жасалатын қолөнер бұйымдары сатылымға қойылды.

Іс-шарадан бөлек, дизайнер-зергер, ҚР суретшілер кеңесінің мүшесі, ЮНЕСКО сапа белгісінің иегері Сержан Башировтың 19 ғасыр бұйымдарының көрмесі өтті.

Ұйымдастырушы «Kazakh Tourism» ұлттық компаниясының баспасөз қызметі атап өткендей, іс-шараның басты міндеті қолөнершілікті насихаттау, оны еліміздің өңірлерінде жандандыру.

Жәрмеңке облыстың түкпір-түкпірінен 70-тен астам шеберді біріктірді. Себебі көп қолөнершілер аудандарда тұрады. Сондай-ақ, жоба аясында ойын-сауықтық бағдарлама қарастырылды.

Іс-шара «Kazakh Tourism» ұлттық компаниясының, Маңғыстау облысының Іскер әйелдер кеңесінің, Маңғыстау облысының қолөнершілер одағының, «Бір ауыл бір өнім» пилоттық жобасының қолдауымен ұйымдастырылды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.