Ақтауда келіндер байқауы өтті

Ақтау қаласына қарасты Өмірзақ ауылында ұйымдастырылған Наурыз мерекесінде «Жақсы келін - ырысың» атты келіндер байқауы өтті, деп хабарлайды mangystaumedia.kz қала әкімдігінің баспасөз қызметіне сілтеме жасап.

Сайысқа 5 келін қатысты. Байқау алты кезеңнен тұрды. Атап айтқанда, келіндер таныстыру, сұрақ-жауап, ұлттық тағам дайындау, шеберлік, ұлттық киім үлгісі және өнер бағыты бойынша бақ сынады.

- Байқаудың мақсаты - ұлттық салт-дәстүрлер мен әдет-ғұрыптарды дәріптеу. Келіндер байқауына ауылымыздағы балабақша қызметкерлері қатысты. Барша ақтаулықтарды Наурыз мерекесімен құттықтаймын, - деді байқау ұйымдастырушысы Бибігүл Сейтова.

Байқау қорытындысы бойынша барлық қатысушылар дипломдармен марапатталды:

І орын - Жадырасын Қарабекова

ІІ орын - Ақмоншақ Қайрыллаева

ІІ орын - Асемай Қуанышбаева

ІІІ орын - Айжан Алдамжарова

ІІІ орын - Мейірхан Оңғарбаева

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.