Ақтауда ерекше балалар үшін мереке ұйымдастырылды

Мерекеге мүмкіндігі шектеулі, аз қамтылған отбасылардан шыққан 150 бала және олардың ата-аналары қатысты, деп хабарлайды mangystaumedia.kz.

"Tree Of Life" аквапаркіндегі балаларға арналған мейрамды "Біз адамдармыз, біз біргеміз" ҚҚ, "Ерекше балалардың ата-аналар одағы" РҚБ Маңғыстау филиалы, Маңғыстау облысының прокуратурасы және т. б. ұйымдастырды.

Балалар көңілді, мәз-мейрам болды. Жүзу бассейні, сиқыршының ойындары, тәттілер мен сыйлықтар ешкімді бей-жай қалдырмады. Біз "Біз адамдармыз, біз біргеміз", "Ерекше балалардың ата-аналар одағы" қорына және барлық ұйымдастырушыларға алғыс айтамыз. Мен ерекше балалардың барлық ата-аналарына олардың ел алдына шығудан қорықпауын, тасада жүрмеуін айтқым келеді. Біздің балаларымыздың барының өзі үлкен бақыт, - деді ерекше баланың анасы Қарлығаш Мекеева.

Мен үшін ерекше балалардың ата-аналары – батырлар. Көптеген ана балаларды жалғыз тәрбиелейді, сондықтан баланы аквапаркке апару мүмкіндігі олар үшін бір жағынан материалдық қолдау, екінші жағынан моральдық қолдау. Олар бұл дүниеде жалғыз емес екенін, өздеріне қолдау көрсететінін сезінді. Биыл мерекеге орай біз психоневрологиялық интернаттан, аз қамтылған отбасылардан балаларды шақырамыз деп шештік. Аквапаркте өткізілген мереке балаларға да, олардың ата-аналарына да жарқын әсер мен жағымды эмоциялар сыйласын. Біздің Қор мұндай отбасыларды қолдайды. Бізде әлеуметтік дүкен де бар, онда біз аз қамтылғандарға көмек көрсетеміз, балаларға тегін массаж жасаймыз. Бүгінгі таңда 24 ана кәсіби массажда оқыды, қазір олардың жартысы жұмысқа орналастырылды, - деді "Біз адамдармыз, біз біргеміз" қоғамдық қорының директоры Иман Досмұхамбетов.

Балаларға арналған мерекенің демеушілері мен ұйымдастырушылары алғыс хаттармен марапатталды.

Бұл күні ғана емес, бірнеше жыл бойы біз "Біз адамдармыз, біз біргеміз" қорымен ынтымақтасамыз, қажетті заттарды сатып алуға көмек көрсетеміз, қаржылық қолдау көрсетеміз. Осындай акциялар балалар ауруханасында, балалар үйінде және басқа да ұйымдарда өтеді, - деді Маңғыстау облыстық прокурорының орынбасары Берік Құлмағамбет.

Іс-шара өте жақсы өтті. Иман Досмұхамбетовке, ұйымдастырушылар мен демеушілерге, "Tree of life" аквапаркіне демалыс пен көңіліне, мейірімділігі үшін көп рахмет, - деді "Ерекше балалардың ата-аналар одағы" РҚБ Маңғыстау облыстық филиалының директоры Қарлығаш Әлмұхамбетова.

Бірінші кезекте Иманға алғыс айтқым келеді. Ол балаларға деген саналы көзқарасымен біздің өңір үшін үлкен, ұлы іс жасап жатыр. Біз "Біз адамдармыз, біз біргеміз" қорына жақсы демеушілердің болғанын, үлкен мерекелердің жиі ұйымдастырылғанын тілейміз, - деді "Қазақстанның Маңғыстау облысы бойынша Іскер әйелдер қауымдастығының" төрағасы Ирина Беляева.

Айта кетейік, Маңғыстау облысында барлығы 30 мыңға жуық мүгедек адам бар, оның ішінде 6 мыңы балалар.

Махаббат Нұржанқызы

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.