Ақтауда ер адамның төртінші қабаттан қалай құлағаны белгілі болды

Ақтауда ер адам төртінші қабаттан төсек жаймасымен сырғып түсемін деп құлап кеткенін хабарлайды mangystaumedia.kz сайты Lada.kz-ке сілтеме жасап.

Ішімдік ішкен ер адам төсек жаймасын терезеге байлап, сол арқылы төмен түсемін дегенде жайма жыртылып кеткен.

Көршілерінің айтуынша, зардап шеккен ер адам жалғыз тұрады.
– Бұрын оған бірге ішімдік ішетін «достары» үнемі келетін. Түнде пәтерден айғай-шу көп естілетін. Полицияға бірнеше рет қоңырау шалдық, дейді тұрғындар.

Дәрігерлердің айтуынша, жарақат алған ер адам ауыр халде жансақтау бөлімінде жатыр.

Бұған дейін Ақтаудың 13-шағын ауданындағы үйлердің бірінде оқыс оқиға орын алып, ер адам төртінші қабаттан құлап кеткенін жазған болатынбыз.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.