Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Бүгін Yessenov University әскери кафедрасында запастағы офицерлер мен старшиналарды даярлау бағдарламасы бойынша оқу-жаттығу жиыны және курсанттардың әскери ант беру рәсімі өтті, деп хабарлайды mangystaumedia.kz университеттің баспасөз қызметіне сілтеме жасап.
124 студент салтанатты жағдайда, ата-аналары мен туыстарының, университет басшылығының, қарулы күштер ардагерлерінің алдында Отанына және ҚР Президентіне – Қарулы күштерінің Жоғарғы Бас Қолбасшысына адал болуға ант берді.
Салтанатты рәсімді ашқан әскери кафедра меңгерушісі, запастағы 1-дәрежелі капитан Марат Мейрамов әскери ант мәтінінің мәніне баса назар аудартып, оқу-жаттығу жиындары мен әскери кафедраны толық аяқтаған курсанттардың нәтижелерін жариялап, жылды ресми қорытындылады.
Жоғары оқу орнының басшылығы атынан Yessenov University атқарушы вице-президенті Ермек Нұрмағанбет сөз сөйлеп, үздіктерді марапаттады. Сондай-ақ қарулы күштер ардагерлері мен үздік курсанттарға да арнайы құттықтауға кезек берілді.
- Әскери азаматтардың антына адал болуын тілейміз. Әскери кафедра курсанттары студенттер арасында, өз ортасында үлгі болып, ержүрек мінез бен жауынгерлік рухты, патриоттық тәрбиені насихаттай береді деп сенеміз, деді шараға қатысушы.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.