Ақтау мен Мұнайлы ауданында 1138 «Сергек» бейнебақылау камерасы орнатылды

Оның ішінде Ақтау қаласы мен Мұнайлы ауданының жолдарында және қоғамдық орындарында 148 нүктеде 736 жол қауіпсіздік камерасы, 152 жерде 402 қоғамдық қауіпсіздік камерасы орнатылған, деп хабарлайды mangystaumedia.kz.

- Ақтау қаласы бойынша желілік учаскелерде, қиылыстарда және теміржол өткелдерінде 638 бейнебақылау камерасы орналастырылды. Мұнайлы ауданында 500 камера орнатылды, - деді цифрлық технологиялар басқармасының басшысы Айдын Хадиев.

ҚР ӘҚБтК-нің 592, 596, 599, 601-баптарына сәйкес "Сергек" аппараттық-бағдарламалық кешендері жолдарда мынадай бұзушылықтарды тіркейді: белгіленген қозғалыс жылдамдығынан асып кету, бағдаршамның тыйым салу сигналының қиылысы, аялдама сызығының қиылысы, екі жолақты тыйым салынған жолақтың қиылысы.

- Камера арқылы әкімшілік құқық бұзушылықтар тіркеледі және шаралар қабылдау үшін әкімшілік іс жүргізудің бірыңғай тізілімінің процессингтік орталығына (БЖТ) жіберіледі, - деп атап өтті Айдын Хадиев.

Орналастыру нүктелері оқиғалардың жиілігін және жол қозғалысы ережелерін бұзуды талдау арқылы таңдалады.

Сонымен қатар, Мұнайлы ауданында 10 оператор жұмыс істейтін өзінің жедел басқару орталығы құрылды.

Еске сала кетейік, 1 шілдеден бастап Ақтау қаласы мен Мұнайлы ауданында "Сергек" бейнебақылау жүйесі іске қосылады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.