Ақтау қаласының 60 жылдығына арналған үздік логотип: комиссия отырысы өтті

Ақтау қаласының 60 жылдық мерейтойына арналған үздік логотипті анықтау бойынша комиссия отырысы өтті, деп хабарлайды mangystaumedia.kz қала әкімдігінің баспасөз қызметіне сілтеме жасап.

-Бүгінгі комиссия отырысына ұсынылған логотиптер өткен жолғы жұмыстармен салыстырғанда кәсіби жасалған. Сондықтан келесі кезеңге 3 жұмыс ұсынғалы отырмыз. Келесі кезеңде тұрғындар өздеріне ұнаған нұсқаға дауыс беріп, таңдау жасайды. Қаламыздың 60 жылдық мерейтойына арналған логотипті таңдауға баршаңызды шақырамын,- деді қала әкімінің орынбасары Әбілқайыр Байпақов.

Үздік логотип байқауына 54 үміткер өз жұмыстарын ұсынған. Комиссия шешімі бойынша 2-кезеңге 3 жұмыс іріктеліп алынды.

Логотип авторлары - Лианочка Виниченко, Мади Орынбасаров, Жандос Абдибаев.

Ендігі кезең онлайн дауыс беру арқылы жүзеге асады. Айта кетейік, ұсынылған 54 логотип алдағы уақытта толықтай назарларыңызға ұсынылатын болады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.