Мәжіліс депутаты Ахмед Мурадов маңғыстаулықтармен кездесті

Маңғыстау облысының Қазақстан халқы Ассамблеясы Достық үйінде Қазақстан Республикасы Парламенті Мәжілісінің депутаты Ахмед Мурадовпен кездесу өтті.

Басқосу барысында депутат Парламент мәжілісінің 2019 жылы атқарған жұмыстары туралы ақпарат берді.

- Бүгінде Қазақстан бірлік пен қоғамдық келісімнің алтын бесігіне айналды. Еліміздегі татулық пен ынтымақтың бірегей үлгісін жаһан жұртшылығы зерделеп, қазақ елі мемлекетінің беделі жылдан жылға артып келеді, - деген ол «Педагог мәртебесі туралы» қабылданған Заң жобасының жаңашылдықтарына тоқталды.

Халық қалаулысы Заң жобасын әзірлеудің негізгі идеясы — мұғалімдердің жүктемесін азайту, олардың міндетіне жатпайтын жұмыстарды орындаудан босату, сонымен қатар мұғалімдердің жалақысын арттыруға, еңбек демалысын ұлғайтуға, педагогтік шеберлік, тәлімгерлік үшін қосымша ақы төлеуге бағытталған шаралар қарастырылғанын атап өтті.

Сондай-ақ Ахмед Мурадов Еріктілер жылына да қатысты ойымен бөлісті.

- Мемлекет Басшысының жарлығымен 2020 жыл «Еріктілер жылы» деп жарияланды, - деді депутат. - Осыған орай Қазақстан халқы Ассамблеясы 4 бағыт бойынша Тұжырымдама әзірледі. Қазақстанның барлық өңірлері сол тұжырымдамаға сүйене отырып, ауқымды іс-шараларды өткізуге ат салысатын болады.

Валентина ҚОЗЫБАҚОВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.