Жаңаөзенде бірнеше күн жоғалып кеткен қыз аман табылды

Үш күннен бері жоғалып кеткен Жаңаөзен тұрғыны аман табылды, деп хабарлайды mangystaumedia.kz.

7 қазан күні үйінде хат жазып қалдырып, хабар-ошарсыз жоғалған Әйгерім Ыланбаева аман-есен табылды. Оның үйіне оралғаны туралы туыстары айтып отыр.

«Үш күннен бері іздестірген Әйгерім үйге аман оралды. Ол осы күндері Жаңаөзен қаласындағы 2 ықшамаудандағы үйлердің бірінде болыпты. Күнделікті күйбең тіршіліктен шаршағанын айтты. Сол үшін осындай қадамға барыпты», - деді нағашы әпкесі.

Жақындарын әбігерге салған Әйгерім Ыланбаеваны іздеу жұмыстарын полиция қолға алған.

«Оның денсаулығы қалыпты, көңіл күйінде ешқандай алаң жоқ», - деді жақындары.

22 жастағы жаңаөзендік қыз бұрын қаладағы балабақшада жұмыс істеген. Кейін ол жұмысынан өз еркімен шығып, блогердің көмекшісі болып табыс тауып жүрген.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.