Маңғыстауда көлік пен түйе соқтығысқан жол апатында екі жолаушы көз жұмып, бес адам жарақат алды

Жол апаты Жаңаөзен-Жетібай-Ақтау тас жолының 218/9 шақырымында болған, деп хабарлайды mangystaumedia.kz өңірдің полиция департаментіне сілтеме жасап.

«Ваз 21154» автокөлігінің жүргізушісі Шетпе ауылына бара жатқан жолда екі түйені қағып өткен. Жол апатының салдарынан оқиға орнында екі жолаушы көз жұмды. Жарақатанған бес адам ауруханаға жеткізілді.
Аталған факті ҚР ҚК 345-бабы 4-бөлігі бойынша Қарақия аудандық ПБ СДТБТ-де тіркелді. Сот-медициналық сараптама тағайындалды. Автокөлік полиция бөлімшесінің айыптұрағына қамалды. Тергеу жүргізіліп жатыр, өзге ақпарат тергеу мүддесіне байланысты жария етілмейді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.