Жаңаөзенде қоқыс шығару жұмыстары жалғасып жатыр

Жаңаөзен қаласын қоқыстан тазарту жұмыстары жалғасып жатыр, деп хабарлайды mangystaumedia.kz Қоғамдық коммуникация орталығына сілтеме жасап.

Қала бойынша қатты тұрмыстық қалдықтарды жинауға және тасымалдауға 4 арнайы автокөлік және 13 жүк көтеруші жұмылдырылды. Ал санитариялық тазалыққа 24 арнайы техника мен 319 адам қатысты.

Кендірлі ауылы бойынша «Жұлдыз» шағынауданының көшелерін тазалауды 5 аула сыпырушы жүргізді. Қоқыстарды 4 арнайы автокөлік шығарды.

Рахат ауылы бойынша Т.Айдаров, Ө.Балғынбаев, Н.Тілендиев даңғылынан, «Ақсу» шағынауданының 3 аралық көшелерінің бойынан қатты тұрмыстық қалдықтарды 5 арнайы автокөлік 14 рейс жасап шығарды. Ал санитариялық тазалық жұмыстарын жеті аула сыпырушы жұмылдырылды.

Теңге ауылы бойынша Ж. Бейнеубаев, Қ.Қорабай, Ж.Мыңбаев көшелерінен тұрмыстық қатты қалдықтарды шығаруға 3 техника жұмылдырылды. Санитариялық тазалықты атқаруға 12 аула сыпырушы жұмылдырылды.

Қызылсай ауылының М.Шолтаманұлы, Абай көшелері және балабақшаның сыртқы аумағына санитариялық тазалық жұмыстарын 7 аула сыпырушы жүргізді. «Тазалық С» ЖШС ГАЗ-53 техникасы жұмылдырылды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.