Мемлекеттік тілді үйренушілер арасында байқау өтті

5 қыркүйек тілдер мерекесі күніне орай, қазақ тілін үйренушілер арасында «Тіл – менің тағдырым» атты тақырыпта эссе жазу өтті, деп хабарлайды mangystaumedia.kz сайты.

«Қоғамдық келісім» мекемесінің ұйымдастыруымен өткен байқауға 50-ге жуық әр түрлі ұлттың өкілдері қатысқан.

- Шараға қатысқан оқушылар байқау басталар алдында Қазақстанның әнұранын шырқап, қазақ тіліне деген қүрметін көрсетті. Іс-шараны ақтаудағы №16 орта мектепте өткіздік. Осы шараны ұйымдастырудағы мақсат – тіл үйренудің аса қиын дүние еместігін көрсету, қазақ тіліне деген құрметті арттыру. Мұндай шаралар оқушылардың біліктілігін арттыру мен алған білімдерін сынауға мүмкіндік туғызады, - дейді ұйымдастырушылар.

Аталған шараға сондай-ақ, Қазақстан халық ассамблеясысының этномәдени бірлестіктерінің төрағалары, «Ассамблея жастарының» өкілдері қатысты.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.