Ақтауда жаңа шағынаудандар электр қуатымен қамтылады

Ақтау қаласындағы жаңа шағынаудандарды электр қуатымен қамту үшін жаңа жоба іске асырылуда, деп хабарлайды mangystaumedia.kz Қоғамдық коммуникация орталығына сілтеме жасап.

Жобаға сәйкес, жыл соңына қарай кабельдік желі мен «ХАБ-1» және «ХАБ-2» қосалқы станцияларын пайдалануға беру жоспарланған. Қосалқы станция ғимараттарының жалпы ауданы-1514,5 шаршы метр.

-«Каспий энергетикалық хабы» сыртқы инфрақұрылымын салу жобасы аясында кернеулігі 110 кв электр беретін желі және 2 қосалқы станция(110/10 кв қосалқы станция) салуда. Кабель желісінің жалпы ұзындығы 4760 метрді құрайтын болады, - дейді Ақтау қалалық құрылыс бөлімінің мамандары.

«ХАБ-1» және «ХАБ-2» қосалқы станциясы он үш жаңа шағынауданды, атап айтқанда 18, 18а, 19, 20, 20а, 19а, 36-42 шағынауданын электр энергиясымен қамтамасыз етпек. Сонымен қатар, электр желілерінің қуаттылығын арттыру үшін қосалқы станцияларды қосу қарастырылған.

Айта кетейік, келесі жылы «ХАБ-1» қосалқы желісінен жаңа шағынаудандарға кабель желілері қосылады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.