Құрбан айт кезінде Жаңаөзенде бес мал сою нысаны қатар жұмыс істеуде

Биыл шілденің 9-11 күндеріне келген Құрбан айт мерекесінде Жаңаөзенде ветеринария-санитариялық сараптау зертханаларымен және арнайы мамандармен қамтылған 5 мал сою нысаны жұмыс істеуде, деп хабарлайды mangystaumedia.kz облыстық ҚКО-ға сілтеме жасап.

Жауаптылардың айтуынша, аталған нысандарда мал сою орындары да жеткілікті.

1) «Алмат» мал сою нысаны, Жетібай-Ақтау тас жолы бойында орналасқан;
2) «Көркем Әлем» мал сою нысаны, Теңге ауылы;
3) «Сенек» ЖШС, Рахат ауылы, Мерей шағынауданы, әл-Фараби көшесі;
4) «Абдуллаев» ЖК мал сою нысаны, Астана шағынауданы;
5) «Мәуленбаев» ЖК мал сою нысаны, Астана шағынауданы.

- Белгіленбеген орындардан мал сатып алу жұқпалы ауруларға әкеліп соғуы мүмкін. Жоғарыда көрсетілген мал сою нысандары ауылшаруашылығы жануарлары мен адамдарға ортақ аурулардың алдын алу және тамақ қауіпсіздігін сақтау мақсатында ұсынылып отыр. Бұл орындарда құрбандық малдар ветеринариялық-санитариялық сараптау зертханаларынан өтетін болады, - дейді Жаңаөзен қалалық ветеринариялық инспекциясының бас маманы Маржан Алимбаева.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.