Маңғыстау облыстық ауруханасы дәрігерлерінің қатысуымен тұрмыстық сыбайлас жемқорлықтың алдын-алу мақсатында түсіндіру жұмыстары жүргізілді, - деп хабарлайды mangystaumedia.kz сайты Маңғыстау облыстық ауруханасының баспасөз қызметіне сілтеме жасап.
Кездесу барысында мемлекет басшысы бекіткен 2022-2026 жылдарға арналған Сыбайлас жемқорлыққа қарсы саясат тұжырымдамасының негізгі ережелері мен талаптары айтылды.
Сонымен бірге 2021 жылғы Сыбайлас жемқорлыққа қарсы іс-қимыл туралы Ұлттық баяндамасы туралы ақпарат беріп, қатысушылардың сұрақтарына жауап берді.
Жиын барысында Сыбайлас жемқорлыққа қарсы қызмет департаментінің бас маманы Нұргүл Мұқатай тұрмыстық жемқорлық деген ұғымға кеңінен тоқталып, сыбайлас жемқорлыққа қарсы ұйымдастырылып жүрген шаралар туралы айтты.
Айта кетейік, кездесуге Маңғыстау "Адалдық алаңы" жобалық кеңсесінің жетекшісі Дайрабай Үсіпбаев, ҚР Сыбайлас жемқорлыққа қарсы іс-қимыл агенттігінің Маңғыстау облысы бойынша департаментінің өкілі Нұргүл Мұқатай қатысты. Шара "Әділдік жолы" республикалық ҚБ, сарапшы Нұрлыбек Қарабалин мен облыстық денсаулық сақтау басқармасының бірлесуімен ұйымдастырылды.
Егер сізге, сыбайлас жемқорлық фактілері туралы белгілі болса, онда тәулік бойы жұмыс істейтін Сыбайлас жемқорлыққа қарсы қызметтің 1424 номеріне хабарласа алатыныңызды есіңізге саламыз!
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
