Маңғыстауда облысында 1705 көппәтерлі үй бар. Оның 1446-сы басқарудың жаңа түрі – МИБ-ке (мүлік иелерінің бірлестігі) немесе жай серіктестікке көшеді. Бүгінгі таңда кондоминиум объектілерін басқарудың 984 жаңа нысаны құрылды, облыс бойынша оның 68%-ы, Ақтау қаласы бойынша 53,4%-ы тіркеуден өтті, деп хабарлайды mangystaumedia.kz.
Бұл туралы Маңғыстау облысы әкімінің орынбасары Бекбол Орынбасаровтың төрағалығымен өткен коммуналдық мәселелер жөніндегі кеңесте айтылды.
Ақтауда бүгінде 70 МИБ (Мүлік иелерінің бірлестігі) және 435 жай серіктестік, Жаңаөзенде – 28 МИБ және 187 ПТ, Бейнеу ауданында – 55 ПТ, Мұнайлы ауданында - 6 МИБ және 47 ПТ, Маңғыстау ауданында - 20 ПТ, Қарақия ауданында - 93 ПТ және Түпқараған ауданында - 24 ПТ құрылды.
"Аудандық және қалалық әкімдіктерге басқарудың жаңа жүйесін халыққа түсіндіру жөнінде тапсырма берілгеніне қарамастан, жұмыс баяу жүріп жатыр. Басқарудың жаңа жаңа көшу реформасын аяқтау мерзімі заңда 2022 жылдың 1 маусымы деп көрсетілген", - деді облыстың энергетика және ТКШ басқармасының басшысы Бердібек Қартбаев.
Облыстағы 1705 көппәтерлі үйдің 581-і кондоминиум нысаны ретінде мемлекеттік тіркеуден өтті.
"Былтыр 94 көппәтерлі тұрғын үйді тіркеуге жергілікті бюджеттен 24,4 млн.теңге бөлінді, алайда жұмыс әлі аяқталған жоқ. Жаңаөзен қаласындағы 85 КПТҮ тіркеуге 11.4 млн.теңге бөлініп, тіркеу жұмыстары жүргізілді. Қалған аудандар тапсырманы уақытылы орындамады. Мысалы, Маңғыстау ауданы бойынша кондоминиум объектілерінің ортақ мүлкін басқаруға және күтіп ұстауға жұмсалатын шығыстардың ең төменгі тарифі жөніндегі қағидалар әлі күнге дейін бекітілмеген. Сондай-ақ Маңғыстау, Мұнайлы және Түпқараған аудандары бойынша қасбеттер мен шатырларды күрделі жөндеу қағидалары да, коммуналдық қызмет көрсету ережелері де бекітілген жоқ", - деді Бердібек Қартбаев.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
