Шетпе тұрғындары қоқыстың көбейіп кеткеніне шағымданды

Шетпе тұрғындары облыс әкімінің телеграм каналында қоқыс мәселесіне биліктің назар аударуын сұрады. Ауыл тұрғындарының айтуынша, жайылып кеткен қоқысты жануарлар ақтарып, одан сайын талқандап жатыр екен, деп хабарлайды mangystaumedia.kz облыстық ҚКО-ға сілтеме жасап.

Сонымен қатар, тұрғындар мердігер компанияның жұмысы көңілден шықпайтынын айтты.

Желі қолданушысының шағымына Шетпе əкімдігі жауап берді. Жауаптылардың мәлімдеуінше, Мақаш шағынауданында тұрғындардың бейберекет қоқыс төгу тоқтамай отыр екен.

- Алдағы уақытта қоқыс алаңы тазаланады. Ауылда қоқыс төгу үшін жабдықталған арнайы полигон жұмыс істеп тұр. Тұрғындарға қоқысты сол жерге апарып төгуін ескертеміз, - дейді Шетпе əкімдігі.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.