Нұрдәулет Қилыбай жүйесіздіктен қураған жасыл желекті жайқалта ала ма?

Ақтау қаласының әкімі Нұрдәулет Қилыбай көгалдандыру жұмыстарына көңілі толмайтынын айтты. Оның айтуынша, жасыл желек күннен күнге қурап жатыр. Басты себебі - жүйесіздік, - деп хабарлайды mangystaumedia.kz сайты.

Қала әкімі осы мәселені шешу үшін биылдан бастап жаңа механизмге көшкенін тілге тиек етті. Яғни, 5 жыл мерзімге мемлекеттік-жекешелік әріптестік жобасы аясында көгалдандыруды ұйымдастыруға шешім қабылдады.

- «Ақбота» МКК-ның көгалдандырушылары жеке серіктестік анықталғанға дейін ақпаннан бастап бюджет қаражаты есебінен жасыл желектерді күтіп-ұстау, сондай-ақ жаңа ағаш көшеттерін отырғызып жатыр. Осы уақытқа дейін 4 650 түп ағаш отырғызды, оның 2 650 қылқан жапырақты, 2 000 дана жапырақты ағаш екті, - деді Н. Қилыбай.

Айта кетейік, аталған жұмыстың барлығы Ботаникалық бақ мамандырымен бірге жасалып жатыр. Сондай-ақ, жасыл желектер ғылыми түрде дәлелденген және Маңғыстау облысының құрғақ климатына төзімді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.