Алик Айдарбаев «ҚазМұнайГаз» басшысы қызметінен кету туралы өтініш берді

© Фото tengrinews.kz

Алик Айдарбаев «ҚазМұнайГаз» Ұлттық компаниясы» АҚ (ҚМГ) Басқарма төрағасы қызметінен кету туралы өтініш берді, деп хабарлайды mangystaumedia.kz сайты kaztag.kz-ке сілтеме жасап.

«ҚазМұнайГаз» басшысы Алик Айдарбаев пен оның орынбасары Данияр Берлібаев жұмыстан кету туралы өтініш берді. Төрағаның тағы бір орынбасары Данияр Тиесов те қызметтен кетуге ниетті, - деп хабарлады ҚазТАГ редакциясына Қазақстанның мұнай-газ саласының ақпараттандырылған дереккөзі.

Дереккөздің мәліметінше, ҚМГ басшысы лауазымына ықтимал кандидаттар ретінде Қазақстан Президентінің қазіргі кеңесшісі Мағзұм Мырзағалиев, сондай-ақ «ҚазМұнайГаз» басқармасы басшысының орынбасары Құрманғазы Есқазиев қарастырылуда.

Айдарбаев «ҚазМұнайГаз»-ды 2018 жылдың қараша айынан бастап басқарады.

ҚМГ баспасөз қызметі «Айдарбаев пен оның орынбасарлары отставкаға кету туралы өтініш жазды ма?» деген сауалға жауап ретінде оларда мұндай ақпарат жоқ деп мәлімдеді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.