Бүгін дүниежүзілік тұтынушылардың құқығын қорғау күні

Қалыптасқан дәстүр бойынша халықаралық тұтынушылар ұйымы (Consumers International, CI) жыл сайын жұртшылықтың назарын қандай да бір өзекті проблемаға аудару үшін дүниежүзілік тұтынушылар құқығын қорғау күнінің тақырыбын айқындайды.

Осы жылы Consumers International жұртшылықты цифрлық қаржылық қызметтер сегментінде тұтынушылардың құқығына назар аударуға шақырды. Сондықтан 2022 жылғы 15 наурызда Дүниежүзілік тұтынушылардың құқығын қорғау күнін "Fair Digital Finance - "Әділ цифрлық қаржылық қызметтер" ұранымен өткізу туралы шешім қабылданды.

Цифрлық технологиялар мен интернетті пайдалану қаржы ұйымдарына өз қызметтеріне қол жеткізуді жылдамдатуға және жеңілдетуге мүмкіндік берді.

Банкоматтар, банктік төлем және банктік емес терминалдар — өзіне-өзі қызмет көрсету құрылғылары, сатушының қатысуынсыз тауарлар мен қызметтерді төлеуге немесе банк кассирінің қатысуынсыз қолма-қол ақшаны алуға мүмкіндік беретін төлем құралдары.

Мобильді банк, интернет-банк-пайдаланушыға өзінің банктік және карточкалық шотының жай-күйін қашықтықтан бақылауға, сондай-ақ үйден шықпай, компьютердің, планшеттің, ұялы телефонның көмегімен төлемдер, аударымдар және сатып алулар жасауға мүмкіндік беретін бағдарламалық өнімдер.

Осы жаңа әрі ыңғайлы қаржы құралдары жайлы пайдаланушылық ортаны қалыптастырып қана қоймай, сонымен қатар ескерілуі қажет жаңа тәуекелдерді де тудырады.

СOVID-19 пандемиясы цифрлық қызметтердің дамуына байланысты үрдісті күшейтті. Мұндай дамудың сөзсіз артықшылығы қаржы қызметтерін көрсетудің ашықтығы мен жылдамдығы болып табылады. Алайда, мұндай жағдайларда қаржылық алаяқтық қаупі едәуір артады, ал азаматтардың жекелеген санаттары дәстүрлі арналарда көрсетілмейтін қызметтерге қол жетімділікпен шектелуі мүмкін.

Тұтынушының келесі құқықтарына қол сұғатын жосықсыз тәжірибелер ең өзекті мәселелер болып қала береді:

- еркін таңдау (тұтынушының келісімінсіз қосымша қызметтерді жүктеу, қаржылық қызметтерді ұсынудан бас тарту, банктік карталарды бұғаттау және т. б.);

- қызмет көрсету қауіпсіздігіне (тұтынушының шотынан ақша қаражатын ұрлау, берешекті өндіріп алу).

Әділ цифрлық қаржыландыруды қамтамасыз ету үшін барлығына жаһандық, бірлескен және үйлестірілген тәсіл қажет. Сандық қаржылық қызметтердің тез дамып келе жатқан және күрделі сипаты реттеудің инновациялық тәсілдеріне, сондай-ақ тұтынушылардың құқықтары мен мүмкіндіктерін қорғауға және кеңейтуге негізделген сандық қаржылық қызметтер мен өнімдерге қажеттілікті көрсетеді.

Өз құқығыңыз бұзылған жағдайда, Маңғыстау облысы тұтынушылардың құқығын қорғау департаментіне хабарласуларыңызға болады. Мекен – жайымыз: 9 шағын аудан, 23 А ғимарат, 215 кабинет, тел:43-14-34.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.