Ақтаудағы тергеу изоляторында Амал мерекесі тойланды

ГМ 172/10 мекемесінің қызметкерлері дастархан жайып, бір-бірімен көрісіп қарсы алды, деп хабарлайды mangystaumedia.kz түзеу мекемесінің баспасөз қызметіне сілтемеп.

Амал – жылдың басы болып саналады. Бұл тіршіліктің жаңаруы мен теңесу мерекесі. Біздің ұжымдастарымыз мерекеге ерекше дайындалады. Біздің қатаң мекемеде ерекше атмосфера бар. Бұрын ата-бабаларымыз бұл күні таңертең қазанға ет асып, бауырсақ пісіріп, мерекелік дастархан жайған. Біз де бұл дәстүрді қастерлейміз, - дейді Маңғыстау облысы бойынша ҚАЖД ГМ 172/10 мекемесі бастығының міндетін атқарушы Есболат Ағлепесұлы.

Қызметкерлер келушілерді ыстық бауырсақ пен хош иісті шаймен қарсы алды. Дастарханды шұбат пен қымыз, палау, самса және чак-чакпен жайнатқан. Дәстүр бойынша мерекелік дастарханның ең басты тағамы наурыз көже болды. Ал тағамдарды тергеу изоляторының қызметкерлері дайындаған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.