Жаңаөзенде 11 шақырым жол жөндеуден өтіп, 80 бағдаршам қойылды

Бұл туралы Маңғыстау облысының қоғамдық коммуникация орталығында өткен брифингте Жаңаөзен қаласының әкімі Мақсат Ибағаров мәлімдеді, - деп хабарлайды mangystaumedia.kz.

Жаңаөзен қаласы бойынша 11 шақырым автокөлік жолы жөндеуден өткізілді. Оның ішінде: «Жаңаөзен қаласына кіреберіс» (3,3 шақырым); «Жаңаөзен станциясына кіреберіс» (3,3 шақырым); Балғымбаев көшесіне (2 шақырым әуежай жолы); «ӨМГ» АҚ-ның көлік басқармасының және жұмысшылар автостанциясының алдымен өтетін көшелердің ұзындығы 1,4 шақырым жолдары жөнделді,-деді Мақсат Ибағаров.

Сондай-ақ, Рахат ауылының, «Ақсу» және Кендірлі ауылының, «Жұлдыз» шағын аудандарында ұзындығы 9,9 шақырым автокөлік жолдарының құрылысы аяқталып, пайдалануға берілді. Жоба құны - 302 млн. теңгені құрайды.

Сонымен қатар, қала бойынша 31 көше қиылысының бағдаршамдарын күтіп ұстау жұмыстары жүргізіліп, 4 көше қиылысына жаңадан бағдаршамдар орнатылды. Жаяу жүргіншілерге арналған 80 дана бағдаршам орнатылды (Теңге ауылы Ә.Жангелдін, А.Оңғарбекова көшесі қиылыстарына, Рахат ауылы «Ақсу» ш/а №1 аралық пен Қызылқұм көшесі қиылыстарына, «Арай» ш/а Алдашев көшесі мен «Ақбұлақ» ш/а кіреберіс жолдарының киылысы және қажеттілікке байланысты қаланың орталық, негізгі көшелеріне). Осы бағытта 73 млн. теңге игерілді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.