2021 жылы Маңғыстауға 567 млрд.теңгеден астам жеке инвестиция тартылды

Бұл туралы қоғамдық коммуникация орталығында өткен брифингіде Маңғыстау облысы инвестициялар және туризмді дамыту басқармасы басшысының орынбасары Нұрәділ Иманғалиев хабарлады.

- Жалпы, өткен жылы өңірге 627,1 млрд. теңге инвестиция тартылған еді, бұл өткен жылмен салыстырғанда 3,6%-ке артық. Ал, жеке инвестициялар көлемі 2021 жылы 12 айда 567,3 млрд. теңгені құрады. Жақсы көрсеткішке қол жеткізуге мұнай-газ саласындағы мекемелер, туризм саласындағы жобаларды іске асыру, коммерциялық және тұрғын үй ғимараттарын құрылысы және басқалар инвестициялардың салуы ықпал етті. Атап айтсақ, инвестициялардың 54%-ін өнеркәсіп құрайды; 21% - жылжымайтын мүлікпен жасалатын операциялар; 10,4% - Көлік және қоймалау; 4,3% - өнер және ойын-сауық; 2,8% - құрылыс; 2,6% - тұру және тамақтану бойынша қызметтер; 4,7% - қалғаны жатады, - деді Нұрәділ Иманғалиев.

Спикердің айтуынша, тартылған инвестициялар арқасында 2021 жылы шамамен 150 млрд.теңге сомасына 20-дан астам жоба іске қосылып, 1000-нан астам жұмыс орны құрылған.

Оның ішінде келесі жобаларды атап өтуге болады:

«Ақтау-Агро» құс фабрикасы,
«TETHYS AKTAU» II «Тақырыптық ойын-сауық паркі»,
«Жаңа құбыр технологиялары» ЖШС «Сыртқы құбырларды оқшаулау зауыты» (1 – кезең) және т.б.

Ал, осы жылы экономиканың түрлі салаларында 2 000-нан астам жаңа жұмыс орындарын құра отырып, шамамен 150 млрд.теңге сомаға 20 жобаны іске асыру жоспарланып отыр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.