Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Әскери-теңіз күштерінің құрамы 50-ге жуық сарбазмен толықты. Бір айға созылған жас жауынгер курсынан кейін матростар салтанатты түрде ант қабылдады, деп хабарлайды mangystaumedia.kz
Батыс Қазақстан және Павлодар облыстарынан келген жігіттерді құттықтау үшін Нұр-Сұлтан қаласынан Әскери-теңіз күштері бас қолбасшысының тәрбие және идеологиялық жұмыстар жөніндегі орынбасары полковник Бауыржан Сапаров арнайы келді.
- Антқа адал, сертке берік болу – әр сарбаздың міндеті. Бүгін сіздер үшін ерекше күн. Себебі, әскерге келген әр азамат Отан алдындағы міндетін абыроймен өтеуге келгеніне сенімдімін. Сіздер елдің болашағы, мемлекеттің ертеңісіздер, - деді полковник Бауыржан Сапаров.
Ант қабылдаған сарбаздар саптық жүріспен өтіп, өздерінің бір айда үйренген дайындықтарын көрсетті. Шара барысында әскери оркестрдің сүйемелдеуімен патриоттық әндер шырқалды. Сарбаздарды әскери-теңіз базасының командирі мен ҚР ҚК ардагерлері құттықтап, алдағы қызметтеріне сәттілік тіледі.
Отан алдындағы борышты өтеу әрбір ер азаматтың міндеті. Сондықтан әскери міндетті абыроймен орындау үлкен жауапкершілік. Әскери борышымды Каспийдің жағасында, әскери-теңіз күштерінде атқаратыныма қуаныштымын, - дейді матрос Александр Цуканов.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.