Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
_sIfOuY8AYcaQSRgxHj12KfRVlFzQUK.jpeg)
Бұл туралы "Yessenov University" президенті Берік Ахметов Қоғамдық коммуникация орталығында өткен брифингте мәлімдеді.
Оның айтуынша, бұл бағдарлама «Туризм» және «Мейрамхана ісі және қонақ үй бизнесі» білім беру бағдарламалары бойынша оқитын студенттерге әлемді көруге, жаңа құзыреттерді меңгеруге, өзін көрсетуге және өз мансабын Rixos қонақ үйлер желісінде бастауға мүмкіндік береді.
Сондай-ақ, бағдарламаны түрік тарапы толығымен қаржыландыратыны атап өтілді.
«Қазіргі таңда дүниежүзілік экономикада туризм саласы өте маңызды, болашағы зор салалардың бірі, кейбір елдерде туризм мемлекет кірісінің бірден-бір көзі. Өлкеміздегі туризмнің даму перспективаларын ескере отырып, университетте жаңа «Туризм және тілдер» факультеті ашылып, ол жерде туризм және қонақ үй мамандығы бойынша 114 студент білім алып жатыр және оларды бәсекеге қабілетті маман етіп шығару мақсатында Yessenov University 2021 жылдың сәуір айында Antalya Bilim University (Түркия) университетімен Tourism Experiential Learning Programme (TELP) бағдарламасын жүзеге асыру бойынша шарт жасасты.
Осы бағдарлама шеңберінде Yessenov University-дің үздік студенттері Antalya Bilim University жазғы мектебінде оқудан өтеді, сонымен қатар олар үш ай бойы Rixos желісінің бес жұлдызды қонақ үйлерінде тағылымдамадан өтетін болады. Жазғы мектепті бітіргеннен кейін студенттер 30 ECTS меңгергені туралы транскрипт пен халықаралық сертификат алады. Келісімшарт аясында Yessenov University студенттерін Анталияда жыл сайын оқыту жоспарлануда», - деді Берік Ахметов.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.