«Мың алғыс»: Аз қамтылған 1000 отбасыға көмек көрсетілді

Тәуелсіздіктің 30 жылдығына орай елімізде «30 игі іс» атауымен қайырымдылық шаралары өтіп жатыр. Осы орайда Маңғыстау облысының әкімі Серікбай Трұмовтың тапсырмасымен 1-31 наурыз аралығында аймақта «Мың алғыс» эстафетасы өтті. Акцияға мемлекеттік қызметшілер, жеке кәсіпкерлер, меценаттар, қоғамдық ұйымдар мен мемлекеттік органдардың қызметкерлері қатысты.

«Облыс басшысы Серікбай Трұмовтың тапсырмасына сәйкес тұрғындарды әлеуметтік қолдау шаралары қашанда басты назарда. Игі шара қолдау тауып, бірнеше күннің ішінде көмекке мұқтаж жандарға бірінші қажеттіліктегі азық-түлік тауарлары берілді. Тәуелсіздіктің 30 жылдығына орайластырылған шара жыл бойы жалғасын табады», - деді Маңғыстау облысы әкімінің орынбасары Гүлмира Қалмұратова.

Шара аясында әлеуметтік жағынан аз қамтылған, көп балалы отбасылар мен мүмкіндігі шектеулі жандарға және зейнеткерлерге көмек көрсетілді. Әр себетте бірінші кезекте тұтынатын азық-түлік өнімдері бар. Мәселен Ақтау, Жаңаөзен қалаларында - 400 отбасы, Бейнеу ауданында – 120 отбасы, Түпқараған, Қарақия және Маңғыстау аудандарында - 330 отбасы, Мұнайлы ауданында 150 отбасы азық-түлікпен қамтылды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.