Әскери теңізшілер К-1 курстық міндетін орындады

Жауынгерлік даярлық жоспарына сәйкес ҚР Әскери-теңіз күштері корабльдерінің экипаждары корабльді ұрысқа және жорыққа дайындау, оның өміршеңдігі үшін күрес, әуе шабуылына қарсы және диверсияға қарсы қорғаныс бойынша оқу-жаттығулар өткізді.

К-1 курстық міндеті – тағайындалған тапсырмаларды орындау үшін кемені дайындау. Оны пысықтауға құрама командирінің шешімі бойынша 45 тәулік бөлінген. Мерзім жоба мен жер үсті кемесінің дәрежесіне байланысты.

К-1 міндетінің ұйымдастыру ұзақтығы кемінде он тәулік кезеңінен басталады. Күн тәртібі, корабльдік және ішкі қызмет атқару тәртібі, экипажды алғашқы үйлестіру, жауынгерлік даярлық процесін ұйымдастыру пысықталуда.

Теңізшілер тапсырманы орындау барысында кемені ұрысқа және жорыққа дайындады, қару-жарақ пен механизмдерге қызмет көрсетті, оны оқ-дәрілерді қабылдауға дайындады.

Экипаждар әуе шабуылына қарсы және диверсияға қарсы қорғаныс жүргізу элементтерін айлақ маңындағы тұрақта, сондай-ақ шартты радиациялық және химиялық зақымдану аймағында орындады.

«К-1 курстық міндетін пысықтау барысында корабльдің құрылымын, қару-жарақ пен техникалық құралдарды зерделеу, бөлімшелерді үйлестіру, корабльді, жауынгерлік бөлімді, жауынгерлік бекетті басқару бойынша іс-шаралар орындалды. Жауынгерлік бекеттерде, жауынгерлік бөлімде жеке оқу-жаттығулар пысықталды. Осының бәрі корабльдік-жауынгерлік оқу-жаттығулармен бекітілді», - деп түсіндірді «Орал» зымыран-артиллериялық кемесінің командирі капитан-лейтенант Шахрух Абдуразаков.

Әскери-теңіз күштері жауынгерлік дайындықтың келесі К-2 курстық кезеңін пысықтайды. Онда кеменің жүзуі, жеке кеменің ұрыс қимылдарын жүргізу ұйымдастырылады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.