Ақтауда жаңа автобустар қолданысқа берілді

Бүгін Ақтау қаласында №5 және 4м бағытындағы жаңа автобустар қатынай бастады, - деп хабарлайды mangystaumedia.kz сайты.

Сонымен қатар Мұнайлы ауданы, Басқұдық селосынан бастап қаланың барлық шағынауданды қамтитын №107 (бұрынғы №1) жаңа қоғамдық көлікпен толықты.

Ал қала тұрғындарын жылы жағажай аумағына тасымалдау мақсатында №3а бағыты пилоттық нұсқада қосылған болатын. Аталған маршрут №3 бағыты бойынша жүреді. Әрі қарай жылы жағажайға қатынайды.

Айта кетейік, биыл қалалық автобус паркі 30 жаңа автобуспен толыққан болатын. Ал мамырда №2 бағытындағы автобустарды жаңалау жоспарланып отыр. Бүгінгі таңда аталған автобустарды әкелуге келіссөздер жүргізіліп жатыр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.