Маңғыстауда 161 шақырым автомобиль жолының құрылысы аяқталды

Маңғыстауда «Нұрлы Жол» бағдарламасының аясында құны 26,3 млрд теңгенің 9 инфрақұрылымдық жобасы іске асып жатыр. 10 айдың ішінде 161 шақырымды қамтитын 2 жоба аясында автомобиль жолдарының реконструкциясы аяқталды. Оның ішінде республикалық маңыздағы 64 шақырымды «Жетібай – Жаңаөзен», облыстық маңыздағы 97 шақырым «Ата жолы» автомобиль жолы бар.

Биыл 477 шақырым облыстық және аудандық, ауылішілік жолдардың құрылысы мен орташа жөндеу жұмыстары жүргізіліп жатыр.

«Ауыл – Ел бесігі» бағдарламасының көмегімен Бейнеу ауданында 44 көшеге, Маңғыстау ауданында 13 көшеге, Түпқараған ауданында 25 көшеге асфальт төселді. «Жұмыспен қамтудың жол картасы -2020» бағдарламасы арқылы Ақтау қаласының шағынауданішілік жолдары жөндеуден өтті. Атап айтқанда, 6 бірдей шағынаудандағы 136 мың шаршы метр жол жөнделді. Бұл да ақтаулықтардың көптен бері көтеріп жүрген мәселелерінің бірі еді», - деді облыс әкімі Серікбай Трұмов.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.