Ақтауда шағынаудандарды абаттандыру жұмыстары қарқынды жүріп жатыр

Ақтау қаласы әкімінің орынбасары С. Гусман 2 шағынаудан бойынша абаттандыру жұмыстарын тексерді, деп хабарлайды қала әкімінің баспасөз қызметі.

Бүгінде аталған шағынауданда 2 жаңа спорт алаңының құрылысы аяқталып, пайдалануға берілді. Ал, 9 балалар ойын алаңының құрылысы үшін бетон құю жұмыстары басталған. Одан бөлек, жоспарланған 8302 шаршы метр жаяу жүргіншілер жолының 60%, 42 900 шаршы метр автокөлік жолының 50% орындалған.

С.Гусман “Ақжол +К” ЖШС өкіліне шағынаудандағы тұрғындар үшін атқарылып жатқан жұмыстардың сапалы және уақытылы жүргізілуін тапсырды.

Бұл абаттандыру жұмыстары жылдың соңына дейін аяқталмақ.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.