Өңiр экономикасы дамуының 11 бағыты

Бүгін облыс әкімі Серікбай Трұмовтың төрағалығымен 1 қыркүйек күні Қазақстан Республикасының Президенті Қ.Тоқаевтың «Жаңа жағдайдағы қазақстан: іс-қимыл кезеңі» тақырыбындағы жарияланған Жолдауы талқыланып, орындалу барысы пысықталды. Бұл туралы Маңғыстау облысы әкімінің баспасөз қызметі хабарлады.

Басқарма басшылары жаңа құжаттың 11 басым бағыты бойынша әр бөліміне жеке-жеке тоқталып, орындалысы бойынша баяндама жасады.

Жолдаудың 2 тармағында айтылған өңір экономикасын жаңа жағдайда дамыту туралы экономика және бюджеттік жоспарлау басқармасының басшысы Марина Альбекова баяндады.

Жаңа құжатта айтылған тапсырмаларды жүзеге асыру шағын және орта бизнесті қолдау әрі дамыту, қаржы - кредит саясатын ынталандыру, салық міндеттемелерінің орындалуын оңтайландыру, көлеңкелі экономиканы жоюды талап етеді. Осы көрсеткіштерге қол жеткізу үшін өңірде нәтижелі жұмыс жүргізілмек. Атап айтқанда, шағын және орта бизнесті дамыту бойынша жұмыстың басты нәтижесі 2025 жылға қарай ЖӨІ-дегі үлесін 35%-ға дейін ұлғайту.

1. Бизнестің жол картасы - 2025 «Бизнесті қолдау мен дамытудың мемлекеттік бағдарламасы»;

2. Нәтижелі жұмыспен қамтуды және жаппай кәсіпкерлікті қолдау мен дамытудың 2017-2021 жылдарға арналған «Еңбек» мемлекеттік бағдарламасы;

3. «Қарапайым заттар экономикасы» мемлекеттік»;

4. Өңірлік субъектілерді ШОБ бойынша 1% қаржыландырудың «Нұр Капитал» бағдарламасы;

5. «Атамекен « ҰКП-мен бірлесіп, кәсіпкерлік қызметке мемлекеттік құрылымдардың заңсыз араласуы және бизнес жұмысына кедергі жасау мәселелерін тұрақты бақылауда ұстау.

Мемлекет басшысының халыққа жолдауындағы тапсырмалардың орындалысы бойынша Маңғыстау облысының ауыл шаруашылығы саласы бойынша басқарма басшысы Серік Қалдығұл мәлімдеме жасады.

Қазақстан Республикасының агроөнеркәсіптік кешенін дамытудың 2017 – 2021 жылдарға арналған мемлекеттік бағдарламасынның негізгі мақсаты - еңбек өнімділігін және өңделген ауыл шаруашылығы өнімін 5 жыл ішінде 2017 жылмен салыстырғанда кемінде 2,5 есе ұлғайту.

Сондай-ақ, Жолдауда айтылған тұрғын үй қатынастарындағы өзгерістер туралы энергетика және тұрғын үй-коммуналдық шаруашылық басқармасының басшысы Айдос Хамиевтың баяндамасы тыңдалды.

Маңғыстау облысы бойынша мемлекеттік тұрғын-үй тұрғын үй алуға кезекте 20 534 азамат тұр. 2019 жылы коммуналдық тұрғын үй қорынан тұрғын үймен 629 азамат қамтамасыз етілсе, 2020 жылы коммуналдық тұрғын үй қорынан 322 азамат үйлі болды.

Жолдауда ел Президенті білім саласын дамыту бағытында бірқатар тапсырмалар берді. Ол туралы білім басқармасының басшысы Асқар Сейдалиев айтты. Облыста 3-6 жас аралығындағы балаларды мектепке дейінгі тәрбиемен қамту 100 %. 2020 жылдың соңына дейін 20 балабақша ашылады. Алдағы 5 жылда 9035 орындық 102 балабақша ашылады деп күтілуде. Оның ішінде 1960 орындық 9 балабаша мемлекеттік-жекешелік әріптестік аясында іске қосылмақ.

Карантин шаралары жеңілдетіліп оқушылар дәстүрлі оқытуға көшкен кезде, мектептердегі қатаң санитарлық талаптарды сақтау үшін дезинфекциялық тоннельдер, кварцтар, санитайзерлер, тепловизорлар және т.б. арнайы құрылғылармен жабдықталуы тиіс. Педагогтардың жалақыларын арттыру. Осы жылдың қыркүйек айынан бастап Президенттің тапсырмасымен педагогтердің сынып жетекшілігі және дәптерлерді тексергені үшін қосымша ақысы екі есе өседі, сондай-ақ магистрлік дәрежесі үшін мұғалімдер 27 мың теңге мөлшерінде ай сайынғы қосымша ақы алады.

Өңір басшысы С.Трұмов Жолдаудың 11 басым бағыты бойынша дайындалған баяндамаларды тыңдап, нақты тапсырмалар жүктеді. Сондай-ақ, қазіргі күрделі жағдайда алдымызда тұрған басты міндет – әлеуметтік-экономикалық тұрақтылықты, жұмыс орындарын және халықтың табысын сақтап қалу мақсатында жүзеге асырылатын тапсырмалар мен осы бағыттағы жұмыстарды тиімді әрі жедел ұйымдастыру қажеттігі туралы баса айтты.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.