Полицияға көмек көрсеткен тұрғындар марапатталды

Маңғыстаудың 102 тұрғыны полицияға көмек көрсеткені үшін марапатталды.

Маңғыстау облысының полиция басшысының бұйрығымен қылмыскерлерді іздестіруде, қоғамдық қауіпсіздікті қамтамасыз етуде және басқа да жедел алдын алу іс-шараларын жүргізуде полицияға көмек көрсететін облыс тұрғындары марапатталды.

Сонымен қатар, қоғамдық тәртіпті қамтамасыз етуге белсенді қатысқаны үшін полиция қызметкерлері үкіметтік емес ұйымдардың өкілдерін атап өтті. Қазіргі уақытта көптеген тұрғындар полиция қызметкерлеріне қоғамдық тәртіпті қамтамасыз етуде көмек көрсетуде.

Жыл басынан бері құқықтық тәртіпті нығайту ісінде белсенді көмек көрсеткен 102 қоғамдық көмекші 2,5 миллион теңгеден астам сомаға ақшалай сыйақымен марапатталды. Сондай-ақ, азаматтар ұсақ құқық бұзушылықтардың жолын кесу мен қылмыстарды ашу жолында грамоталармен, бағалы сыйлықтармен және алғыс хаттармен марапатталады.

Жыл сайын полицияның қоғамдық көмекшілерінің саны артып келеді, бұл азаматтық қоғамның полицияға деген сенімін арттырады. Тұрғындардың ақпаратының арқасында биыл 66 қылмыс ашылып, 690-ға жуық әкімшілік құқық бұзушылық анықталды.

polisia.kz

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.