Маңғыстау облысының полицейлері тұрғындарға медициналық бетперде таратты, – деп хабарлайды Polisia.kz.
Маңғыстау облысы Полиция департаментінің бастығы Ж.Бақтыбаевтың тапсырмасы бойынша полиция қызметкерлері коронавирустық инфекция пандемиясына байланысты енгізілген шектеу шараларын бұзған азаматтарды анықтау бойынша рейдтік іс-шараларды жалғастыруда.
“Қайырымды істер уақыты” акциясы Маңғыстау облысы ПД жергілікті полиция қызметінде өткізілді. Алдын алу іс-шаралары барысында полиция қызметкерлері тұрғындарға шұғыл қажеттіліксіз үйден шықпауды немесе сапарға жол жүрмеуді ескертті. Көшеге қорғаныс маскалары мен қолғаппен шығып, әлеуметтік қашықтықты сақтау керек.
Рейдтік іс-шаралар барысында полицейлер санитарлық-эпидемиологиялық жағдай шиеленіскен кезде тәртіп ережелерін орындамағаны үшін 30 АЕК мөлшерінде айыппұл салынған әкімшілік жауапкершілік туралы еске салады.
Полиция қызметкерлері қала тұрғындарына жеке қорғаныс құралдарын – бір реттік маскаларды таратты.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
