Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Қазақстан мұсылмандары діни басқармасының 30 жылдық мерейтойына орай 30 игі іс-шара аясында Маңғыстау облысының Мұнайлы ауданында 12 жаңа құдық қазылып, халық игілігіне берілді. Бұл туралы ҚМДБ-ның баспасөз қызметі хабарлады.
Аталмыш іс-шара қасиетті Рамазан айында басталып, шілде айының ортасында аяқталып отыр. Қазылған 12 құдықтың әрқайсысының тереңдегі 4 метр, сыйымдылығы 5000 литр шамасында. Жергілікті тұрғын үй иелерін құттықтау үшін ҚМДБ-ның Маңғыстау облысы бойынша бас имамы Әнуар Ізімбайұлы мен Ақтау қалалық «Бекет ата» мешітінің наиб имамы Айдос Жамбылұлы Мұнайлы ауданына арнайы барып келді.
Осы игі бастама аясында, кейбір мұқтаж отбасылардың тұрғын үйлерінің есік-терезелері ауыстырылып, шатырлары жөнделіп, бас-аяғы 2 млн теңгеге жөндеу жұмыстары жасалды.
«Маңғыстау облыстық орталық «Бекет ата» мешітінің атынан, игі шараға қаржылай көмек көрсеткен облыс аумағындағы мешіттердің имамдары мен қайырымды кәсіпкер азаматтарға алғысымызды білдіреміз» дейді өңірдің бас имамы Ә.Елжанов.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.