Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Маңғыстау облыстық Бекет ата мешітінің жанынан құрылған "Ізгілер жолы" еріктілер тобының ұйымдастыруымен "Жылу сыйла" атты қайырымдылық шарасы өтті. Еріктілер денсаулығына байланысты жарымжан атанған 100 жанның үйіне арнайы барып, азық-түлік таратты. Бұл туралы Маңғыстау облыстық Бекет ата мешітінің баспасөз қызметіне сілтеме жасап mangystaumedia.kz сайты хабарлайды.
⁃ "Ізгілер жолы" еріктілері бұл жолы тағы бір қайырымды іске мұрындық болды. Тағдырдың жазуымен мүгедек атанып, мүмкіндіктері шектелген тұрғындардың рамазанда көңілдерін көтеріп, бір қуантты. Алла Тағала мейірімді де жомарт жандардың несібелерін мол еткей, - дейді ҚМДБ Маңғыстау облыстық Бекет ата мешітінің бас имамы Әнуар Елжанов.
Шара аясында мешіт тізіміндегі және облыстық мүгедектер қоғамына тіркелген мүгедек жандарға ауызашар есебінде сиыр еті, көкөністер, жеміс- жидектер, күріш, макарон өнімдері және сусындар жеткізілді. Ұйымдастырушылардың айтуынша, адам басына 12 мың теңгенің азық-түлігі алынған.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.