Ақтауда қоғамдық көліктер 2 сағат сайын дезинфекцияланып жатыр

Ақтау қаласының 6 бағыт бойынша 70-ке жуық қоғамдық көлігіне дезинфекция жұмыстары күнделікті әр 2 сағат сайын жүргізілуде. Тазалық жұмыстарын көлік жүргізушілері мен жолсеріктер хлор препараттарын қолданып жасайды. Бұл туралы mangystaumedia.kz сайты Ақтау қаласы әкімінің баспасөз қызметіне сілтеме жасап хабарлайды.

«Әр маршрут бағыты бойынша тиісті мекемелермен келісімдерге отырдық. Қоғамдық көліктерге бекітілген талаптарға сай жауапты мекемелер автобус кешкі рейстен шыққан соң таңғы 6.40-қа дейін автобазаның ішінде тазалау жұмыстарын жүргізеді. Ал, 6.40-тан кейін әрбір 2 сағат сайын соңғы аялдамаға келгенде жүргізушілер мен жолсеріктер жасайды. 10 литр суға 1 таблеткадан салып, жуып отырамыз. Аталған шара 15-сәуірге дейін жалғасады», - дейді қалалық №2 маршруттың диспетчері Венера Қасымбекова.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.