«Таза Қазақстан»: Ақтауда 25 мың тоннаға жуық заңсыз тасталған қоқыс шығарылды

Ақтауда «Таза Қазақстан» экологиялық акциясы аясында қалалық тұрғын-үй коммуналдық шаруашылық бөлімінің ұйымдастыруымен заңсыз тасталған қоқыс үйінділері тазаланды. Тазалық жұмыстары барысында заңсыз тасталған 25 мың тоннаға жуық қоқыс шығарылды, - деп хабарлайды mangystaumedia.kz қала әкімдігінің баспасөз қызметіне сілтеме жасап.

Бұл жұмыстарға 13 арнайы техника мен 10 қызметкер жұмылдырылды. Заңсыз тасталған қоқыс үйінділерін тазалау жұмыстары мына мекен-жайлар бойынша жүргізілді:

-Өндірістік аймақ - 3

-Өндірістік аймақ - 3, 45

-Өндірістік аймақ - 3, «Авто бипэк» маңы

-Өндірістік аймақ - 3,23

-«Үлкен Оймаша» маңы

-«ПК Урожай» маңы

-Заңсыз тасталған қоқыс үйіндісін тазалау барысында 25 мың тоннаға жуық қоқыс шығарылды. Заңсыз қоқыс тастаған азаматтарға әкімшілік шара қарастырылған. Заң бұзушылық анықталған жағдайда ҚР Әкімшілік және құқық бұзушылық кодексінің 505-бабына сәйкес әкімшілік хаттама толтырылады. Ақтау қалалық тұрғын-үй коммуналдық шаруашылық бөлімі қала тұрғындарынан заңсыз әрекеттерге бармауды және үлкен қоқыстарды қаладан 25 шақырым жерде орналасқан полигонға шығаруды сұрайды, - деді Ақтау қалалық тұрғын-үй коммуналдық шаруашылық бөлімі басшысының орынбасары Бахтияр Мақсатов.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.