«МАЭК» ЖШС жария тыңдауына бір ғана ақтаулық тұрғын келді

«МАЭК» ЖШС жария тыңдауында 2023 жылдың І жартыжылдығының қорытындысы бойынша бекітілген тарифтік сметалардың және жылу энергиясын өндіру және су шаруашылығы жүйесінің қызметтері бойынша бекітілген инвестициялық бағдарламалардың орындалуы туралы есеп берді, деп хабарлайды mangystaumedia.kz.

Жария тыңдаудың тақырыбы өңір тұрғындары үшін өзекті болса да Ақтау қаласының бір ғана тұрғыны Есенгелді Меркешов қатысты. Ал облыстық энергетика басқармасы мен табиғи монополияларды реттеу комитеті департаментінің өкілдері жария тыңдауға келмеді.
- Өткен қыста көптеген мәселе болды. МАЭК пен тұрғындардың қыстан аман-есен шығуы үшін не істеп жатырсыз?, - деп сұрады ақсақал.

МАЭК мамандары облыстық әкімдік пен Үкімет ақша бөлген энергокешенді жаңғыртудан басқа, жыл сайын жүргізіліп жатқан жабдықтарды жөндеу туралы айтып берді.
- Бізде негізгі және қосалқы жабдықтарды күрделі және ағымдағы жөндеуді көздейтін жоспарлы-алдын алу жөндеулерінің кестесі бар. Жұмыс жоспары жыл сайын бекітіледі. Бұл жұмыстардың бюджеті 6,8 млрд теңгені құрайды. Жылыту кезеңіне дайындық қарқынды жүріп жатыр. Кесте бойынша барлық күрделі және ағымдағы жөндеу жұмыстары жүргізіліп жатыр, - деді «МАЭК» ЖШС жаңғырту департаментінің директоры Ерболат Ибрагимов.
Сонымен қатар, жылу энергиясын өндіруге арналған инвестициялық бағдарламаны орындау шеңберінде ЖЭО-2 – ЖЭО-1 (VІ кезең) қосалқы станциясының жылу құбыры учаскесіне күрделі жөндеу жүргізіліп жатыр. Қараша айында сәулелік күрделі жөндеуді аяқтау жоспарланып отыр, ФКП сәулелік сүзгі жүйелерінің құрылымының үлкейтілген тораптарын құрастыру жүріп жатыр. №1-13 ұңғымалар арасында Оңтүстік тармақтың құрама су құбырын күрделі жөндеу бойынша құбыр учаскесін монтаждау үшін техникалық су бойынша металл конструкциялар мен бұрмалар дайындалады. Жыл соңына дейін жөндеу жұмыстары мерзімінде жүзеге асырылады. Бөлінген 163 миллион теңгеге жуық қаражаттың 45%-ы игерілді. Жыл соңына дейін жөндеу жұмыстары аяқталады.

Кәсіпорынның І жартыжылдық есебін толығырақ www.maek.kz сайтынан таба аласыз.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.