Маңғыстау облысындағы «Бозашы Мұнай» ЖШС «Оңтүстік Қаратұрын» мұнай-газ кен орнында шыққан апаттың көзін жою мақсатында ҚР Энергетика министрінің орынбасары Асхат Хасеновтің қатысуымен сарапшылар, ардагерлер, апатты жою жөніндегі штаб және бұрғылау компанияларының техникалық кеңесін тыңдау мақсатында жиналыс өтті.
Кеше «Шығыс Қаратұрұн», «Солтүстік-Шығыс Қаратұрұн» және «Оңтүстік Қаратұрұн» кен орындарындағы ұңғымалар жағдайымен, танысқан вице-министр «Қаратұрын» кен орнына барлық күштің жұмылдырылғанын, қосымша әлемдік компания мамандарының көмегіне жүгініп отырғанын айтты.
Мамандар №303 ұңғымадағы апатты жою күрделі техникалық операция болып табылатынын, сондықтан апатты жоюға немесе зерттеуге бағытталған №302, №303, №305-Н, №303-СТ және №24-Г ұңғымаларынан қажетті деректерді, сондай-ақ су бөгетін және вахталық кентті қорғау қажеттігі айтылды.
Бүгінгі таңда №305-Н ұңғымасы бұрғылану үстінде және 600 метр тереңдікке қол жеткізілді, №302 ұңғымада да соған ұқсас жағдай, ондағы тереңдік бүгінгі күні 500 метрге жетті.
Өртті ұңғының жанынан екі көлбеу бағыттағы ұңғы қазу тәсілімен тұншықтырып, өнімді қабаттың сулануы арқылы ұңғының герметизациялануына қол жеткізу көзделіп отыр. Қазір өртті сөндіру үшін көлбеу бағыттағы ұңғыны қазу жұмысы жүріп жатыр.
Осылай, қосымша 3 ұңғы бұрғыланып жатыр. Бұлар - № 305-Н (көлбеу бұрғылау) және көлбеу бағыттағы ұңғы № 303 ST, сонымен бірге тігінен қазылатын ұңғы №302. Қазіргі уақытта 1200 метрге жобаланған №305-Н ұңғысы тереңдік 680 метрге, № 302 – 450 метрге, ал № 303 ST – 80 метрге жетті.
Барлық апатты жою жұмыстары жер қойнауын пайдаланушының есебінен жүзеге асырылады.
Қоғамда алаңдаушылық туғызған апаттың беті жуық арада қайтатыны белгілі болды.
Үміт ЖӘЛЕКЕ
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
