Атыраудың Жылыой ауданында 650 отбасы бір реттік әлеуметтік көмек қаржысын алды

Атырау облысының Жылыой ауданында 650 отбасы бір реттік әлеуметтік көмек қаржысы берілді, деп хабарлайды mangystaumedia.kz Kazinform-ға сілтеме жасап.

Жылыой ауданы әкімінің орынбасары Гүлнафис Айшуақованың айтуыннша, су тасқынынан зардап шеккен отбасыларға біржолғы материалдық көмек төлеу басталған.

«Аудандық жұмыспен қамту, әлеуметтік бағдарламалар бөлімінің қызметкерлері су тасқынынан зардап шеккен отбасылардан түскен өтініштерді тәулік бойы өңдейді. Қазір 650-ге жуық өтініш бойынша бір реттік әлеуметтік көмек қаржысын төлеуге шешім қабылданды. Өтініші қанағаттандырылған отбасылардың есеп-шотына 100 айлық есептік көрсеткіш мөлшеріне сәйкес 369 мың 200 теңге түсті», - деп хабарлады Гүлнафис Айшуақова.

Еске сала кетелік, бұған дейін Жылыой ауданынан 1942 отбасы бір реттік әлеуметтік көмек алуға өтініш бергенін хабарлаған болатынбыз.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.