Ақтөбе мектебінде 12 жасар оқушы көз жұмды

© фото egemen.kz

Ақтөбе қаласындағы мектепте оқушы құлап, көз жұмды, деп хабарлайды mangystaumedia.kz Kazinform ақпарат агенттігіне сілтеме жасап.

Бұл туралы Ақтөбе облыстық денсаулық сақтау басқармасы хабарлады.

Басқарма басшысы Рүстем Исаевтің айтуынша, 12 жастағы бала құлағанда мойнымен үстелдің ұшына соғылған.

- Бала тыныстамай қалған. Бірден облыстық клиникалық ауруханаға жеткізілді. Ес-түссіз болды. Жансақтау бөлімінде баланың өмірін сақтап қалу үшін дәрігерлер бар күшін салды. Бірақ ештеңе өнбеді. Сағат 11:25-де биологиялық өлім тіркелді,- деп хабарлайды Ақтөбе облыстық денсаулық сақтау басқармасының басшысы Рүстем Исаев.

Айта кетейік, 7-сынып оқушысы қаладағы №27 мектепте білім алған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.