232 мың қазақстандық тұрғын үй кезегінен шығарылады

Қазақстанда мемлекеттік тұрғын үй қорынан баспана алу кезегінде тұрғандар арасында 230 мыңнан астам заң бұзушылық анықталып, кезектен алынып тасталды деп хабарлайды mangystaumedia.kz сайты stan.kz ақпарат агенттігіне сілтеме жасап.

Орталық коммуникациялар қызметінде өткен брифингте Индустрия және инфрақұрылымдық даму министрлігі Құрылыс және тұрғын үй-коммуналдық шаруашылық істері комитеті төрағасының орынбасары Бауыржан Қабдол кезекте тұрғандарға талдау жүргізілгенін мәлімдеді. Бұл жұмыс Цифрлық даму министрлігімен бірлесіп атқарылған. Тексеруге негізгі себеп қазақстандықтар тіркелгендердің көпшілігінің баспанасы бар екенін айтқан.

Талдау мынаны анықтады:
• Соңғы бес жылда кезекте тұрған 96,1 мың адам баспанаға ие болды;
• Кезекте тұрған 533 адам Қазақстан азаматы емес болып шықты;
• Кезекте тұрған 91,4 мың адамға тіркелген жері кезекте тұрған облыспен сәйкес келмейді;
• 29 мың адам – тіркеусіз;
• 15,6 мың адам – деректер базасында өмірден өткендер қатарында.
• Нәтижесінде кезекте тұрған 647 мың адамның 232 мыңы әлеуетті заң талаптарына сай емес және алдын ала мәліметтер бойынша, тегін баспана алу кезегіне алынбауы керек.

- Әкімдіктер кезектен тыс азаматтарды алып тастайды. Нәтижесінде шынымен мұқтаждар кезекке тұрады,- деп түсіндірді Бауыржан Қабдол.

Оның айтуынша, әкімдіктер мұндай заңбұзушылықтарды азайту үшін жыл сайын кезекті "тазартуы" керек. Баяндамашы талаптарға сай келмеген азаматтардың кезекке қалай тұрғанын нақтыламады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.