Сайлау тарихы: 2005 жылы Қазақстанда кезекті Президент сайлауы өтті

2005 жылы 4 желтоқсанда Қазақстан Президентінің жалпыхалықтық кезекті сайлауы өтті. Сайлауға бес үміткер қатысты, - деп хабарлайды mangystaumedia.kz.

Нұрсұлтан Назарбаевтың бәсекелестері «Әділетті Қазақстан үшін» қозғалысының жетекшісі Жармахан Тұяқбай, Қазақстанның «Ақ жол» демократиялық партиясының төрағасы Әлихан Бәйменов, ҚР Парламенті Мәжілісінің депутаты Ерасыл Әбілқасымов және «Табиғат» экологиялық ұйымының жетекшісі Мэлс Елеусізов болды. Дауыс берушілердің үлесі 77,1 пайыз болды. Сайлау нәтижесі бойынша Нұрсұлтан Назарбаев 91,15 пайыз дауыс жинады.

Сол жылы Қазақстандағы президенттік сайлау тарихында алғаш рет тікелей эфирде теледебат өтті.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.