Маңғыстау ауылында әйеліне пышақ салу дерегі бойынша ұсталған азамат уақытша ұстау изоляторына қамалды, - деп хабарлайды mangystaumedia.kz.
Оған кісі өлтіруге оқталу дерегімен қылмыстық іс қозғалған.
Ал әйелі медициналық мекемеде ем алып жатыр. Қазіргі таңда оның жағдайы тұрақты.
«Полиция қызметкерлерінің іс-әрекеттеріне қатысты тексеріс жүргізілуде. Тексеріс нәтижесіне қарай құқықтық баға берілетін болады. Тергеу мүддесі үшін өзге ақпарат жария етілмейді», - дейді Маңғыстау облыстық полиция департаментінің баспасөз қызметі.