Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Президент Қасым-Жомарт Тоқаев АҚШ саясаткері Дональд Трампқа жасалған қастандықты қатаң айыптайтынын мәлімдеді, деп хабарлайды mangystaumedia.kz.
«Мемлекет басшысы Қасым-Жомарт Тоқаев АҚШ-тың бұрынғы президенті Дональд Трампқа жасалған қастандықты қатаң айыптайтынын мәлімдеді және оның тезірек сауығып кетуіне тілектестік білдірді», — деп жазды Ақорданың ресми дереккөзі.
Айта кетейік, АҚШ-тың бұрынғы президенті Дональд Трамп Пенсильвания штатында сөз сөйлеп тұрған кезінде оған қарай белгісіз біреу оқ атқан. Оқ атылған соң Дональд Трамп сөзін кілт үзіп, қан аққан құлағын ұстап, мінбердің артына тығылған.
Ізінше экс-президентті оққағарлары сахнадан алып кеткен. Сайлауалды науқанда түсірілген кадрлардан Трамптың құлағы мен бетінен қан ағып жатқанын байқауға болады. Трамптың баспасөз хатшысы Стивен Чунг оның қауіпсіз жерде емделіп жатқанын айтты.
CNN мәліметінше, АҚШ-тың Құпия қызметі шабуыл жасаған снайперді оқиға орнында атып тастады.
Қастандық салдарынан сайлау жиынында бір көрермен қаза тауып, екеуі ауыр жараланған.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.