Қырғызстанда балмұздақ тиеген жүк көлігі балаларды қағып кетті: зардап шеккендер саны көбейді

Қырғызстанда балмұздақ тиеген жүк көлігі балаларды қағып кетті. Қайғылы оқиғадан кейін зардап шеккендер саны артты. Бұл туралы Қырғызстан Ішкі істер министрлігінің баспасөз қызметі мәлімдеді, - деп хабарлайды mangystaumedia.kz Tengrinews.kz сайтына сілтеме жасап.

Қайғылы оқиға мәдени шара кезінде болған. Мектеп оқушылары "Манас" дастанынан үзінді оқып, қойылым көрсетіп жатқан. Оқиға кезінде "Портер" жүк көлігі төменге қарай жүріп кетіп, балаларды қағып кеткен.

Зардап шеккендердің саны 32 адам болды. Олар балалар мен бір мұғалім.

Мектеп оқушыларын соғып кеткен жүк көлігінің жүргізушісі ұсталды. Ол 48 жастағы жергілікті тұрғын болып шықты.

Портал ақпараты бойынша, оқиға орнына Ішкі істер министрі Ұланбек Ниязбеков барған. Бұл іс оның жеке бақылауында болады.

Еске салайық, бұған дейін Жалал-Абад облысы Созақ ауданындағы жайлауда балмұздақ тиеген фургон 29 оқушыны қағып кеткенін хабарлаған. Олардың жетеуі реанимацияда, үшеуінің жағдайы ауыр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.