Ақтауда жаңа жыл қарсаңында қандай шаралар өтеді?

31 желтоқсан күні Ақтауда жаңа жылды қарсы алуға арналған іс-шаралардың жоспары жарияланды, - деп хабарлайды mangystaumedia.kz сайты Ақтау қаласы әкімдігіне сілтеме жасап.

Ертең 15 шағынаудандағы Амфитеатрда сағат 20:00 – 21:00-те облыстық қуыршақ театрының жаңажылдық қойылым қояды.

Сағат 21:00 – 22:00 аралығында Абай атындағы МДК-і ұжымының ойын-сауық бағдарламасы өтеді.

22:00 – 22:45-де облыстық музыкалық-драма театры, М.Өскінбаев атындағы облыстық филармония өнерпаздарының концерттік бағдарламасымен мерекелік көңіл-күй жалғасады.

Содан кейін 22:45 – 23:00 ҚР Президентінің Қазақстан халқын Жаңа 2020 жылмен құттықтауының тікелей көрсетілімі көрсетіліп, жаңажылдық сазды әуендер шырқалады.

Ал сағат 23:45-де Маңғыстау облысының әкімі Серікбай Трұмов өңір тұрғындары мен қала қонақтарын Жаңа жыл мерекесімен құттықтайды.

Мерекелік іс-шара жаңажылдық от шашумен аяқталады.

Жұлдызай ҚАЛИЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.