Туу туралы куәлікті қайта алу үшін онлайн өтініш беруге болады
[ 2019 ] 9 желтоқсан, 10:57 | Жаңалықтар
Егер балаңыздың туу туралы куәлігін жоғалтып не бүлдіріп алған болсаңыз, оның телнұсқасын (дубликат) алуға өтінішті ХҚО-ға бармай-ақ, онлайн беруге болады, - деп хабарлайды mangystaumedia.kz сайты «Азаматтарға арналған үкімет» мемлекеттік корпорациясының МО филиалының баспасөз қызметіне сілтеме жасап.
Әдеттегідей, сізге egov.kz көмектеседі. Ең алдымен порталда авторланып, «Туу туралы куәлікті қайталап алуға өтініш алу» қызметін таңдаңыз. Оған онлайн сұрау салып, ЭЦҚ-мен немесе бірретік парольмен қол қойыңыз.
Мемлекеттік қызмет құнын төлеу үшін картаңызды пайдаланасыз, қызмет құны 1 АЕК. Өтінішіңіздің қабылданғаны және дайын болғаны туралы ақпарат жеке кабинетіңізде көрінеді.
Дайын құжатты алып кету үшін мемлекеттік корпорацияның фронт-офисіне жүгінесіз. Өзіңізбен бірге жеке кабинетіңізге келген хабарлама мен жеке басты куәландыратын құжат болуы қажет.
Онлайн қызметті баланың туу туралы жазбасы 2007 жылдың 13 тамызынан бастап жазылған азаматтар ала алады.
Махаббат НҰРЖАНҚЫЗЫ
2083
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
